Lodjike

Li lodjike c' est l' syince do råjhonmint. Elle aide les djins a dire si ene sacwè est vraiye ou fåsse.

Èn egzimpe bén cnoxhou, diné d' Aristote:

1. Tchaeke djin est mortele.
2. Aristote est ene djin.
3. Adon, Artistote est mortel.

On lît $\wedge$ come "eyet"; dj' ô bén, les deus sont vraiys. On lît $\vee$ come "ou"; dj' ô bén onk (pol moens) est vraiy. On lît $\Rightarrow$ come "implike" ou "Si ... adon ... ". On lît $\mathrm{\neg }$ come "nén" ou "C' est nén vraiy ki...".

Vochal li minme egzimpe tot-z eployant les simboles lodjikes:

$(djin\Rightarrow mortele)\wedge (Aristote\Rightarrow djin)\Rightarrow (Aristote\Rightarrow mortel)$

Eyet co l' minme egzimpe, avou des termes djenerås:

$(a\Rightarrow b)\wedge (c\Rightarrow a)\Rightarrow (c\Rightarrow b)$

Cwand on cåze del lodjike on cåze des clåzes lodjikes. Ene clåze c' est tot biesmint ene sacwè come "Aristote est ene djin" ou "Tchaeke djin est mortelle"; dj' ô bén, on declaraedje ki pout esse vraiy, ou fås, mins nén les deus.

Les acertinaedjes sont des relåcions lodjikes ki sont tofer vraiyes, metans $(a\vee \mathrm{\neg }a)$. On les lomes des totolodjeyes (metans: "i plout oudobén i n' plout nén").

Les copiutreces eployèt l' lodjike po fé des algorisses.